| 2020 ᠣᠨ ᠤ 4 ᠰᠠᠷᠠ ᠶᠢᠨ 18 ᠤ ᠡᠳᠤᠷ᠂ ᠠᠭᠠᠷ ᠴᠡᠯᠮᠡᠭ ᠨᠠᠷᠠ ᠳᠤᠯᠠᠶᠢᠬᠰᠠᠨ ᠣᠷᠢᠬᠠᠨ ᠲᠤᠯᠠᠭᠠᠨ | ᠭᠠᠷᠠᠭ ᠤᠨ ᠡᠳᠤᠷ ᠪᠠᠶᠢᠯᠠ᠃ ᠮᠣᠩᠭᠤᠯ ᠰᠤᠶᠤᠯ ᠳᠠᠭᠠᠨ ᠬᠠᠶᠢᠷᠠᠳᠠᠢ ᠲᠣᠷᠠ ᠪᠠᠬᠠ ᠨᠢᠭᠡᠳᠡᠢ ᠮᠠ ᠶᠥᠩ ᠹᠧᠩ᠂ | ᠡᠷᠳᠡᠨᠢᠪᠠᠭᠠᠳᠤᠷ ᠪᠢᠳᠡ ᠭᠤᠷᠪᠠᠭᠤᠯᠠ ᠪᠤᠯᠵᠤᠭᠠ ᠶᠤᠰᠤᠭᠠᠷ ᠢᠶᠠᠷ ᠢᠶᠠᠨ ᠰᠣᠨᠣᠰᠤᠭᠠᠳ ᠤᠳᠠᠬᠰᠠᠨ ᠮᠣᠩᠭᠤᠯ | ᠬᠤᠭᠤᠷ ᠤᠨ ᠥᠯᠢᠭᠡᠷ ᠶᠠᠷᠢᠳᠠᠭ ᠠᠬᠠᠮᠠᠳ ᠨᠠᠰᠤᠲᠠᠨ ᠴᠢ ᠵᠧᠨ ᠮᠢᠩ ᠢ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠲᠡᠭᠦᠨ ᠤ ᠨᠤᠳᠤᠭ | ᠪᠠᠷᠬᠠᠨ ᠪᠠᠯᠭᠠᠰᠣᠨ ᠤ ᠲᠤᠯᠤᠭᠠᠨ ᠭᠡᠷ ᠭᠠᠴᠠᠭᠠ ᠶᠢ ᠵᠤᠷᠢᠯᠠ᠃ | ᠶᠢᠰᠤᠨ ᠴᠠᠭ ᠬᠠᠭᠠᠰ ᠤᠷᠴᠢᠮ ᠢᠶᠠᠷ ᠲᠤᠯᠤᠭᠠᠨ ᠭᠡᠷ ᠭᠠᠴᠠᠭᠠᠨ ᠤ ᠵᠦᠪᠯᠡᠯ ᠤᠨ ᠬᠠᠵᠠᠭᠤᠲᠡᠬᠢ ᠳᠡᠯᠭᠡᠭᠦᠷ ᠤᠨ | ᠡᠵᠡᠨ ᠠᠴᠠ ᠴᠢ ᠵᠧᠨ ᠮᠢᠩ ᠨᠠᠰᠤᠲᠠᠨ ᠤ ᠭᠡᠷ ᠢ ᠰᠤᠷᠠᠭᠯᠠᠬᠤ ᠳᠤ ᠰᠠᠶᠢᠬᠠᠨ ᠰᠡᠳᠬᠢᠯᠲᠦ ᠳᠡᠯᠭᠡᠭᠦᠷ ᠤᠨ ᠡᠵᠡᠨ《 | ᠴᠢ ᠨᠠᠰᠤᠲᠠᠨ ᠬᠤᠭᠤᠷ ᠤᠨ ᠦᠯᠢᠭᠡᠷ ᠢ ᠰᠠᠶᠢᠨ ᠬᠡᠯᠡᠳᠡᠭ ᠪᠣᠯᠬᠤᠷ ᠬᠤᠯᠠ ᠤᠶᠢᠷᠠ ᠢᠶᠠᠷ ᠢᠶᠠᠨ ᠪᠦᠷ ᠮᠡᠳᠡᠳᠡᠭ᠂ | ᠪᠢ ᠲᠠᠨᠠᠷ ᠢ ᠳᠠᠭᠠᠠᠭᠤᠯᠵᠦ ᠤᠴᠢᠶᠡ》ᠭᠡᠳ ᠪᠢᠲᠡᠨ ᠠᠮᠠᠨ ᠨᠡᠭᠡᠭᠡᠬᠦ ᠠᠴᠠ ᠡᠮᠤᠨᠠ ᠵᠠᠮ ᠳᠠᠭᠠᠭᠤᠯᠪᠠ᠃ | | | ᠴᠢ ᠨᠠᠰᠤᠲᠠᠨ ᠮᠠᠨᠤᠰ ᠤᠨ ᠢᠷᠡᠭᠰᠡᠨ ᠵᠣᠷᠢᠯᠭᠠ ᠶᠢ ᠰᠤᠨᠤᠰᠣᠨ ᠪᠠᠶᠠᠷᠯᠠᠵᠦ ᠦᠪᠡᠷ ᠤᠨ ᠪᠡᠶᠡ ᠪᠤᠯᠤᠨ | ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠬᠤᠭᠤᠷ ᠤᠨ ᠦᠯᠢᠭᠡᠷ ᠤᠨ ᠲᠤᠬᠠᠢ ᠬᠠᠮᠢᠶᠠ ᠪᠦᠬᠦᠢ ᠵᠤᠶᠢᠯ ᠢ ᠪᠢᠳᠡᠨ ᠳᠤ ᠨᠠᠷᠢᠯᠢᠭ | ᠲᠠᠨᠢᠯᠴᠠᠭᠤᠯᠵᠦ ᠦᠭᠬᠦᠯᠡ᠃ ᠴᠢ ᠵᠧᠨ ᠮᠢᠩ᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠂ ᠮᠣᠩᠭᠤᠯ ᠨᠡᠷᠡ ᠨᠢ ᠪᠠᠲᠤᠪᠥ᠋ᠬᠡ ᠭᠡᠳᠡᠭ | ᠃1942 ᠣᠨ ᠤ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 10 ᠰᠠᠷᠠ ᠶᠢᠨ 10 ᠤ ᠡᠳᠤᠷ ᠲᠤᠰ ᠨᠤᠳᠤᠭ ᠲᠤ ᠮᠠᠨᠳᠤᠯᠠᠵᠠᠢ᠃ | ᠡᠨᠡ ᠵᠢᠯ 79 ᠨᠠᠰᠤᠲᠠᠢ᠃ ᠴᠢ ᠨᠠᠰᠤᠲᠠᠨ ᠤ ᠳᠡᠭᠡᠲᠦ ᠦᠶᠡ ᠶᠢᠨ ᠬᠢᠨ ᠰᠤᠩᠬᠢᠨᠡ ᠶᠢᠨ ᠭᠤᠤ ᠶᠢᠨ ᠵᠠᠯᠠᠭᠠ ᠳᠤ | ᠨᠤᠲᠤᠭᠯᠠᠵᠤ ᠪᠠᠶᠢᠵᠠᠢ᠃ ᠡᠪᠦᠭᠡ ᠶᠢᠨ ᠦᠶᠡ ᠳᠤ ᠤᠲᠤ ᠶᠢᠨ ᠪᠠᠷᠬᠠᠨ ᠪᠠᠯᠭᠠᠰᠤᠨ ᠶᠢᠨ ᠲᠤᠯᠤᠭᠠᠨ ᠭᠡᠷ | ᠭᠠᠴᠠᠭᠠᠨ ᠳᠤ ᠨᠡᠭᠦᠨ ᠢᠷᠠᠵᠠᠢ᠃ ᠮᠢᠨᠦ ᠴᠡᠭᠡᠵᠢᠯᠡᠵᠦ ᠪᠠᠶᠢᠬᠤ ᠪᠠᠷ ᠠᠪᠤ ᠶᠢᠨ ᠠᠯᠳᠠᠷ ᠴᠢ ᠳ᠋ᠠ ᠵᠧᠦ᠂ ᠲᠡᠬᠦᠨ ᠠᠴᠠ | ᠳᠡᠭᠡᠭᠰᠢ ᠪᠠᠨ ᠲᠡᠮᠡᠢ ᠮᠡᠳᠡᠬᠦ ᠦᠭᠡᠢ᠃ ᠤᠴᠢᠷ ᠨᠢ ᠮᠣᠩᠭᠤᠯᠴᠤᠳ ᠳᠡᠭᠡᠷᠡ ᠦᠶᠡ ᠶᠢᠨ ᠢᠶᠠᠨ ᠠᠯᠳᠠᠷ ᠨᠡᠷᠡ ᠢ | ᠴᠡᠭᠡᠷᠯᠡᠵᠦ ᠰᠢᠭᠤᠳ ᠨᠡᠷᠡ ᠶᠢ ᠨᠢ ᠳᠠᠭᠤᠳᠠᠳᠠᠭ ᠦᠭᠡᠢ ᠪᠦᠭᠡᠳ ᠦᠯᠡᠳᠡᠭᠡᠵᠦ ᠥᠭᠭᠦᠭᠰᠡᠨ ᠭᠡᠷ ᠤᠨ ᠴᠠᠳᠢᠭ ᠢ ᠴᠤ | ᠤᠯᠵᠦ ᠦᠵᠡᠭᠰᠡᠨ ᠦᠭᠡᠢ ᠲᠤᠯᠠ ᠡᠬᠦᠨ ᠤ ᠲᠤᠬᠠᠢ ᠲᠡᠮᠡᠢ ᠰᠠᠭᠤᠭᠳᠠᠯ ᠦᠭᠡᠢ᠃ ᠪᠠᠭᠠ ᠳᠠᠭᠠᠨ ᠪᠠᠷᠬᠠᠨ ᠪᠦᠷᠢᠨ | ᠰᠤᠷᠭᠠᠭᠤᠯᠢ ᠳᠤ ᠮᠣᠩᠭᠤᠯ ᠢᠶᠠᠷ ᠲᠡᠪᠤᠨ ᠵᠢᠯ ᠪᠢᠴᠢᠭ ᠦᠵᠡᠵᠡᠢ᠃ ᠡᠶᠢᠮᠦ ᠠᠴᠠ ᠦᠯᠢᠭᠡᠷ ᠤᠨ ᠲᠡᠪᠲᠡᠷ ᠢ | ᠦᠪᠡᠷᠳᠡᠭᠡᠨ ᠣᠩᠰᠢᠵᠦ ᠴᠢᠲᠠᠬᠤ ᠪᠤᠯᠤᠬᠰᠠᠨ ᠪᠦᠭᠡᠳ ᠬᠤᠭᠤᠷᠴᠢᠳ ᠤᠨ ᠦᠯᠢᠭᠡᠷ ᠬᠤᠯᠪᠤᠭᠠ ᠬᠡᠯᠡᠬᠦ ᠶᠢ | ᠴᠡᠭᠡᠵᠢᠯᠡᠨ ᠰᠠᠭᠤᠬᠳᠠᠭᠤᠯᠵᠦ ᠴᠢᠲᠠᠬᠤ ᠪᠤᠯᠤᠬᠰᠠᠨ ᠪᠤᠶᠤ ᠲᠠᠭᠤᠷᠢᠶᠠᠨ ᠬᠡᠯᠡᠵᠦ ᠴᠢᠲᠠᠬᠤ ᠪᠤᠯᠵᠠᠢ᠃ ᠲᠡᠷᠡ | ᠦᠶᠡ ᠳᠤ ᠮᠣᠩᠭᠤᠯ ᠢᠶᠠᠷ ᠪᠢᠴᠢᠭᠰᠡᠨ ᠦᠯᠢᠭᠡᠷ ᠤᠨ ᠲᠡᠪᠲᠡᠷ ᠲᠤᠩ ᠴᠦᠭᠡᠨ᠂ ᠤᠯᠠᠨᠩᠬᠢ ᠨᠢ ᠭᠢᠲᠡᠳ ᠢᠶᠠᠷ | ᠪᠢᠴᠢᠭᠰᠡᠨ ᠦᠯᠢᠭᠡᠷ ᠤᠨ ᠲᠡᠪᠲᠡᠷ ᠪᠤᠯᠤᠨᠠ᠃ ᠮᠢᠨᠦ ᠠᠪᠤ ᠦᠯᠢᠭᠡᠷ ᠬᠡᠯᠡᠳᠡᠭ ᠦᠭᠡᠢ᠂ ᠭᠡᠪᠡᠴᠦ ᠲᠤᠬᠠᠢ ᠶᠢᠨ | ᠦᠶᠡ ᠳᠤ ᠮᠠᠨ ᠤ ᠠᠶᠢᠯ ᠳᠡᠭᠡᠷᠡ ᠮᠣᠩᠭᠤᠯ ᠬᠤᠭᠤᠷᠴᠢᠳ ᠢ ᠵᠠᠯᠠᠵᠦ ᠬᠤᠭᠤᠷ ᠤᠨ ᠦᠯᠢᠭᠡᠷ ᠬᠡᠯᠡᠭᠦᠯᠳᠡᠭ ᠵᠠᠩᠰᠢᠯ | ᠲᠠᠢ᠃ ᠠᠶᠢᠯ ᠤᠨ ᠬᠤᠷᠢᠮ ᠬᠤᠷᠠᠯ᠂ ᠵᠢᠯ ᠴᠠᠭᠠᠨ ᠰᠠᠷᠠ᠂ ᠨᠠᠰᠣᠨ ᠪᠠᠶᠠᠷ ᠬᠡᠭᠦ ᠮᠡᠲᠦ ᠪᠠᠷ ᠭᠠᠳᠠᠨᠠ ᠠᠴᠠ | ᠬᠤᠭᠤᠷᠴᠢ ᠵᠠᠯᠠᠵᠦ ᠦᠯᠢᠭᠡᠷ ᠭᠡᠯᠡᠭᠦᠯᠬᠦ ᠪᠦᠷᠢ ᠪᠢ ᠠᠯᠳᠠᠯ ᠦᠭᠡᠢ ᠠᠶᠢᠯ ᠭᠡᠰᠦᠨ ᠳᠠᠭᠠᠯᠴᠠᠨ ᠰᠤᠨᠤᠰᠳᠠᠭ ᠠᠴᠠ | ᠲᠡᠳᠠᠨᠤᠰ ᠤᠨ ᠦᠯᠢᠭᠡᠷ ᠬᠡᠯᠡᠬᠦ ᠬᠡᠪ ᠨᠠᠮᠪᠠ ᠶᠢ ᠰᠤᠷᠴᠦ ᠪᠠᠭᠠ ᠪᠤᠰᠦ ᠦᠯᠢᠭᠡᠷ ᠢ ᠴᠤ ᠴᠡᠭᠡᠵᠢᠯᠡᠵᠦ ᠠᠪᠴᠠᠢ᠃ | ᠬᠤᠷᠢ ᠤᠷᠴᠢᠮ ᠨᠠᠰᠤᠨ ᠠᠴᠠ ᠡᠬᠢᠯᠡᠵᠦ ᠬᠤᠭᠤᠷ ᠬᠤᠭᠤᠷᠳᠠᠬᠤ ᠶᠢ ᠰᠤᠷᠴᠦ ᠪᠠᠭᠠ ᠰᠠᠭᠠ ᠴᠤ ᠭᠡᠰᠡᠨ ᠦᠯᠢᠭᠡᠷ | ᠬᠡᠯᠡᠵᠦ ᠡᠬᠢᠯᠡᠵᠠᠢ᠃ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠮᠠᠨ ᠤ ᠠᠶᠢᠯ ᠬᠤᠲᠠ ᠪᠠᠷ ᠬᠤᠭᠤᠷ ᠤᠨ ᠦᠯᠢᠭᠡᠷ ᠬᠡᠯᠡᠳᠡᠭ ᠦᠯᠢᠭᠡᠷᠴᠢᠳ ᠤᠨ | ᠲᠤᠳᠤᠷᠠ ᠣᠳᠣ ᠪᠣᠯᠲᠠᠯᠠ ᠴᠡᠭᠡᠵᠢᠯᠡᠵᠦ ᠪᠠᠶᠢᠬᠤ ᠨᠢ ᠭᠤᠷᠪᠠᠨ ᠰᠣᠮᠣᠨ ᠤ ᠵᠦ ᠽᠢ ᠴᠢᠩ ᠬᠤᠭᠤᠷᠴᠢ᠂ | ᠮᠠᠩᠨᠣᠳ ᠤᠨ ᠵᠠᠩ ᠶᠥᠩ ᠨᠢᠶᠠᠨ ᠬᠤᠭᠤᠷᠴᠢ᠂ ᠵᠦ ᠽᠢ ᠴᠢᠩ ᠤᠨ ᠱᠠᠪᠢ ᠰᠣᠩᠬᠢᠨᠡ ᠰᠤᠮᠤ ᠶᠢᠨ ᠲᠡᠪᠡᠭᠡ ᠠᠶᠢᠯ | ︵ ᠣᠳᠣ ᠶᠢᠨ ᠭᠡᠷᠡᠯᠲᠦ ᠭᠠᠴᠠᠭᠠ ᠶᠢᠨ ᠭᠤᠷᠪᠠᠳᠤᠭᠠᠷ ᠲᠤᠭᠤᠶᠢᠯᠠᠩ︶ ᠤᠨ ᠶᠤᠯᠤ ᠰᠢᠪᠠᠭᠤ ᠬᠤᠭᠤᠷᠴᠢ᠂ ᠵᠠᠩ | ᠶᠥᠩ ᠨᠢᠶᠠᠨ ᠬᠤᠭᠤᠷᠴᠢ ᠶᠢᠨ ᠱᠠᠪᠢ ᠬᠤᠸᠠᠩ ᠢᠦᠢ ᠯᠢᠨ᠂ ᠬᠤᠸᠠᠩ ᠹᠧᠩ ᠰᠢᠶᠠᠩ ᠨᠠᠷ ᠪᠤᠯᠤᠨᠠ᠃ | ᠡᠳᠡᠨᠤᠰ ᠤᠨ ᠲᠤᠳᠤᠷᠠ ᠨᠠᠳᠠᠳᠦ ᠨᠥᠯᠥᠭᠡ ᠶᠡᠭᠡ ᠲᠠᠢ ᠨᠢ ᠲᠤᠬᠠᠢ ᠶᠢᠨ ᠦᠶᠡ ᠬᠤᠯᠠ ᠤᠶᠢᠷᠠ ᠨᠡᠷᠡ ᠮᠡᠨᠳᠤᠬᠰᠠᠨ | ᠵᠦ ᠽᠢ ᠴᠢᠩ ᠪᠤᠯᠤᠨ ᠵᠠᠩ ᠶᠥᠩ ᠨᠢᠶᠠᠨ ᠬᠤᠶᠠᠷ ᠬᠤᠭᠤᠷᠴᠢ ᠪᠤᠯᠤᠨᠠ᠃ ᠵᠦ ᠽᠢ ᠴᠢᠩ ᠬᠤᠭᠤᠷᠴᠢ ᠦᠯᠢᠭᠡᠷ | ᠬᠤᠯᠪᠤᠭᠠ ᠬᠡᠯᠡᠭᠡᠳ ᠠᠯᠳᠠᠷ ᠮᠠᠨᠳᠤᠬᠰᠠᠨ ᠠᠴᠠ ᠬᠤᠷᠢᠶᠠᠨ ᠤ ᠵᠠᠰᠠᠭ ᠸᠠᠩ ᠴᠤ ᠲᠡᠭᠦᠨ ᠢ ᠵᠠᠯᠠᠵᠦ ᠦᠯᠢᠭᠡᠷ | ᠬᠡᠯᠡᠭᠦᠯᠬᠦ ᠪᠣᠯᠵᠠᠢ᠃ ᠠᠷᠠᠳ ᠤᠨ ᠲᠤᠮᠲᠠ ᠡᠶᠢᠮᠦ ᠨᠢᠭᠡᠨ ᠤᠯᠠᠮᠵᠢᠯᠠᠯ ᠶᠡᠷᠢᠶᠠ ᠳᠡᠯᠭᠡᠷᠡᠵᠦ ᠪᠠᠶᠢᠵᠠᠢ᠃ ᠬᠤᠰᠢᠭᠤᠨ | ᠵᠠᠰᠠᠭ ᠸᠠᠩ ᠰᠠᠶ᠋ᠢ ᠡᠬᠢᠯᠡᠭᠡᠳ ᠵᠦ ᠽᠢ ᠴᠢᠩ ᠤᠨ ᠦᠯᠢᠭᠡᠷ ᠢ ᠬᠢᠷᠢ ᠵᠡᠷᠭᠡ ᠬᠡᠯᠡᠬᠦ ᠶᠢ ᠮᠡᠳᠡᠬᠦ ᠦᠬᠡᠢ ᠲᠤᠯᠠ ᠲᠡᠭᠦᠨ | ᠲᠠᠢ ᠠᠮᠠᠨ ᠬᠡᠯᠡᠯᠴᠡᠭᠡᠷ ᠲᠤᠬᠳᠠᠵᠦ᠂ ᠴᠢ ᠦᠯᠢᠭᠡᠷ ᠢᠶᠠᠨ ᠰᠠᠶᠢᠬᠠᠨ ᠭᠡᠯᠡᠬᠦ ᠦᠭᠡᠢ ᠪᠣᠯ ᠴᠢᠮᠠᠶᠢ ᠸᠠᠩ ᠤᠨ | ᠤᠷᠳᠤᠨ ᠤ ᠡᠭᠦᠳᠡᠨ ᠬᠠᠳᠠᠪᠴᠢᠨ ᠤ ᠭᠠᠳᠠᠨᠠ ᠭᠤᠷᠪᠠᠨ ᠵᠢᠯ ᠬᠡᠯᠡᠭᠦᠯᠦᠭᠡᠳ ᠬᠡᠵᠢᠶᠡ ᠡᠳᠤᠷ ᠴᠢᠨᠦ ᠦᠯᠢᠭᠡᠷ ᠢ | ᠪᠠᠭ᠋ᠠᠷᠠᠵᠤ ᠲᠤᠭᠤᠪᠠᠯ ᠰᠠᠶ᠋ᠢ ᠭᠡᠷ ᠲᠤ ᠤᠷᠤᠭᠤᠯᠵᠦ ᠭᠡᠯᠡᠭᠦᠯᠦᠨᠡ ᠭᠡᠵᠠᠢ᠃ ᠭᠡᠪᠡᠴᠦ ᠵᠦ ᠽᠢ ᠴᠢᠩ ᠬᠤᠭᠤᠷᠴᠢ | ᠲᠡᠷᠢᠬᠢ ᠰᠡᠷᠭᠦᠯᠡᠩ ᠴᠡᠭᠡᠵᠢ ᠰᠠᠶᠢᠲᠠᠢ᠂ ᠨᠢᠭᠡ ᠤᠳᠠᠭᠠ ᠲᠣᠭᠤᠯᠣᠬᠰᠠᠨ ᠵᠤᠶᠢᠯ ᠢ ᠲᠠᠬᠢᠭᠠᠳ ᠬᠡᠯᠡᠪᠡᠯ ᠨᠡᠷᠡ ᠣᠪᠣᠭ | ᠂ ᠦᠰᠦᠭ ᠦᠭᠦᠯᠡᠪᠦᠷᠢ ᠶᠢ ᠵᠥᠷᠢᠭᠦᠯᠳᠡᠭ ᠦᠭᠡᠢ ᠰᠠᠶᠢᠨ ᠴᠡᠭᠡᠵᠢ ᠲᠠᠢ᠃ ᠬᠡᠯᠡ ᠬᠡᠯᠡᠯᠡᠭᠡ ᠤᠷᠤᠰᠤᠮᠠ᠂ | ᠬᠤᠯᠪᠤᠵᠦ ᠬᠡᠯᠡᠬᠦ ᠳᠡᠭᠡᠨ ᠰᠠᠶᠢᠨ᠂ ᠲᠠᠭᠤᠨ ᠥᠩᠭᠡ ᠦᠨᠳᠦᠷ ᠮᠦᠷᠲᠡᠭᠡᠨ ᠬᠦᠩᠭᠢᠨᠡᠮᠡ ᠲᠣᠳᠣᠷ ᠲᠠᠮᠢᠷ ᠲᠠᠢ᠂ | ᠤᠯᠠᠮ ᠬᠡᠯᠡᠪᠡᠯ ᠤᠯᠠᠮ ᠷᠢᠳᠢ ᠰᠢᠳᠢ ᠲᠠᠢ ᠪᠣᠯᠵᠦ ᠬᠤᠭᠤᠷ ᠭᠦᠭᠵᠢᠮ ᠨᠢ ᠠᠮᠢᠯᠠᠵᠦ ᠪᠠᠶᠢᠭᠠ ᠰᠢᠭ᠋ ᠲᠦᠷᠦᠭᠳᠡᠯ | ᠥᠭᠳᠡᠭ ᠠᠴᠠ《 ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭᠰᠡᠨ ᠦᠯᠢᠭᠡᠷ》 ᠢ ᠬᠡᠯᠡᠭᠡᠳ ᠰᠦᠨᠢ ᠲᠦᠯᠢ ᠪᠣᠯᠬᠤ ᠦᠶᠡ ᠳᠤ | ᠸᠠᠩ ᠨᠤᠶᠠᠨ ᠵᠠᠬᠢᠶᠡ ᠪᠠᠭᠤᠯᠭᠠᠵᠦ ᠳᠤᠳᠤᠷ ᠭᠡᠷ ᠲᠤ ᠪᠠᠨ ᠳᠠᠭᠤᠳᠠᠨ ᠤᠷᠤᠭᠤᠯᠵᠦ᠂ ᠵᠥᠭᠡᠯᠡᠨ ᠤᠯᠪᠤᠭ ᠳᠡᠪᠢᠰᠦᠨ | ᠰᠠᠭᠤᠯᠭᠠᠵᠦ ᠵᠠᠯᠭᠠᠭᠠᠳ ᠬᠡᠯᠡᠭᠦᠯᠵᠦ ᠭᠡᠳᠡᠭ᠃ | ᠵᠦ ᠽᠢ ᠴᠢᠩ ᠪᠠᠭᠰᠢ ᠶᠢᠨ ᠪᠠᠰᠠ ᠨᠢᠭᠡ ᠱᠠᠪᠢ ᠨᠢ ᠪᠠᠶᠠᠨᠰᠠᠩ ᠬᠤᠭᠤᠷᠴᠢ᠂ ᠭᠤᠷᠪᠠᠨ ᠰᠣᠮᠣᠨ ᠤ ᠬᠦᠮᠦᠨ᠂ | ᠶᠡᠷᠦ ᠶᠢᠨ ᠦᠶᠡ ᠳᠡᠭᠡᠨ ᠪᠠᠭᠠ ᠬᠡᠯᠡᠭᠡᠢ ᠲᠠᠢ ᠪᠤᠯᠪᠠᠴᠦ ᠬᠤᠭᠤᠷ ᠢᠶᠠᠨ ᠲᠠᠲᠠᠭᠠᠳ ᠦᠯᠢᠭᠡᠷ ᠢᠶᠠᠨ ᠬᠡᠯᠡᠭᠡᠳ | ᠡᠬᠢᠯᠡᠪᠡᠯ ᠬᠡᠯᠡᠬᠡᠢ ᠨᠢ ᠤᠬᠳᠤᠬᠠᠨ ᠴᠤ ᠮᠡᠳᠡᠭᠳᠡᠬᠦ ᠦᠭᠡᠢ ᠪᠣᠯᠳᠠᠭ᠃ ᠲᠡᠭᠦᠨ ᠤ ᠪᠠᠰᠠ ᠨᠢᠭᠡ ᠱᠠᠪᠢ ᠨᠢ ᠪᠦᠬᠡ | ᠬᠤᠭᠤᠷᠴᠢ᠂ ᠣᠳᠣ ᠶᠢᠨ ᠲᠡᠭᠡᠷᠡ ᠬᠤᠷᠤᠭᠠ ᠪᠠᠯᠭᠠᠰᠣᠨ ᠤ ᠬᠦᠮᠦᠨ᠃ ᠵᠦ ᠽᠢ ᠴᠢᠩ ᠪᠠᠭᠰᠢ ᠶᠢᠨ ᠱᠠᠪᠢ ᠶᠤᠯᠤ | ᠰᠢᠪᠠᠭᠤ᠂ ᠪᠠᠶᠠᠨᠰᠠᠩ᠂ ᠪᠦᠬᠡ ᠪᠢᠳᠡᠨ ᠦᠩᠭᠡᠷᠡᠭᠰᠡᠨ ᠵᠢᠯ ᠲᠢᠶᠠᠨ ᠢ ᠳᠤ ᠪᠤᠯᠤᠬᠰᠠᠨ ᠬᠤᠭᠤᠷᠴᠢᠳ ᠤᠨ | ᠪᠤᠯᠪᠠᠰᠤᠷᠠᠯ ᠤᠨ ᠠᠩᠭᠢ ᠳᠤ ᠬᠠᠮᠲᠦ ᠳᠤ ᠪᠠᠨ ᠤᠷᠤᠯᠴᠠᠵᠦ ᠦᠩᠭᠡᠷᠡᠵᠡᠢ᠃ ᠡᠬᠦᠨ ᠤ ᠳᠠᠭᠠᠤ ᠳᠤ ᠠᠶᠢᠯ | ᠭᠠᠴᠠᠭᠠᠨ ᠤ ᠰᠤᠶᠤᠯ ᠤᠷᠠᠯᠢᠭ ᠤᠨ ᠨᠠᠶᠢᠷ᠂ ᠮᠠᠷᠠᠲᠦ ᠶᠢᠨ ᠨᠠᠭᠠᠳᠣᠮ ᠤᠨ ᠬᠤᠷᠠᠯ ᠳᠡᠭᠡᠷᠡ ᠤᠯᠠᠨ ᠤᠳᠠᠭᠠ | ᠤᠷᠢᠭᠳᠠᠨ ᠦᠯᠢᠭᠡᠷ ᠬᠡᠯᠡᠵᠦ ᠦᠩᠭᠡᠷᠡᠵᠠᠢ᠃ | ᠴᠢ ᠬᠤᠭᠤᠷᠴᠢ ᠦᠪᠡᠷ ᠪᠠᠨ ᠭᠢᠳᠡᠳ ᠦᠯᠢᠭᠡᠷ ᠤᠨ ᠲᠡᠪᠲᠡᠷ ᠢ ᠨᠢ ᠬᠡᠳᠤᠭᠡᠨ ᠤᠳᠠᠭᠠ ᠣᠩᠰᠢᠬᠰᠠᠨ ᠤ | ᠳᠡᠷᠠᠭᠠ ᠵᠦ ᠽᠢ ᠴᠢᠩ᠂ ᠵᠠᠩ ᠶᠥᠩ ᠨᠢᠶᠠᠨ ︵ᠬᠤᠴᠢ ᠨᠡᠷᠡ ᠨᠢ ᠯᠥᠸᠧ ᠴᠧᠩ ᠬᠤᠭᠤᠷᠴᠢ︶ ᠬᠤᠭᠤᠷᠴᠢ ᠶᠢᠨ | ᠬᠡᠯᠡᠭᠡᠳ ᠲᠡᠷᠢᠬᠢᠨ ᠳᠤ ᠰᠠᠭᠤᠬᠳᠠᠬᠰᠠᠨ ᠴᠡᠭᠡᠵᠢᠯᠡᠭᠰᠡᠨ ᠵᠤᠶᠢᠯ ᠲᠠᠢ ᠪᠠᠨ ᠤᠶᠠᠯᠳᠤᠭᠤᠯᠤᠨ ᠲᠡᠳᠡᠨ ᠤ ᠬᠡᠪ | ᠨᠠᠮᠪᠠ ᠶᠢ ᠲᠠᠭᠤᠷᠢᠶᠠᠨ ᠬᠡᠯᠡᠭᠰᠡᠭᠡᠷ ᠢᠳᠡᠭ ᠢᠳᠡᠭ ᠢᠶᠠᠷ ᠵᠠᠮ ᠳᠠᠭᠠᠨ ᠤᠷᠤᠵᠠᠢ᠃ ᠭᠡᠷ ᠨᠤᠳᠤᠭ᠂ ᠠᠶᠢᠯ | ᠠᠶᠢᠮᠠᠭ ᠲᠠᠭᠠᠨ ᠦᠯᠢᠭᠡᠷ ᠭᠡᠯᠡᠬᠦ ᠠᠴᠠ ᠭᠠᠳᠠᠨᠠ᠂ ᠫᠢᠩᠴᠢᠤᠸᠠᠨ ᠰᠢᠶᠠᠨ ᠤ ︵ ᠣᠳᠣ ᠶᠢᠨ ᠾᠧᠪᠸᠢ ᠮᠤᠵᠢ ᠶᠢᠨ | ᠫᠢᠩᠴᠢᠤᠸᠠᠨ ᠬᠤᠲᠠ︶ ᠮᠥᠩᠭᠦᠨ ᠤᠰᠦ ︵蒙和乌苏︶᠂ ᠨᠤᠭᠤᠨᠳᠠᠭᠠᠨᠠ ︵龙潭沟︶᠂ | ᠪᠠᠶᠢᠴᠠ ︵白出沟︶᠂ ᠮᠤᠷᠤᠢ ︵毛兰沟︶ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠵᠠᠯᠠᠭᠳᠠᠵᠤ ᠦᠯᠢᠭᠡᠷ ᠬᠡᠯᠡᠳᠡᠭ | ᠪᠠᠶᠢᠵᠠᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠬᠢᠩᠭᠠᠨ ᠠᠶᠢᠮᠠᠭ ᠤᠨ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ᠶᠢᠨ | ᠰᠡᠷᠢᠬᠡᠨ ᠬᠦᠩᠱᠧ᠂ ᠵᠢᠷᠢᠮ ᠠᠶᠢᠮᠠᠭ ᠤᠨ ᠬᠤᠷᠴᠢᠨ ᠭᠠᠷᠤᠨ ᠲᠤᠮᠳᠠᠳᠦ ᠬᠤᠰᠢᠭᠤᠨ ᠤ ᠱᠧᠪᠡᠷᠲᠦ ᠭᠦᠩᠱᠧ ᠳᠤ | ᠲᠥᠷᠥᠯ ᠰᠠᠳᠣᠨ ᠢᠶᠠᠨ ᠡᠷᠬᠢᠨ ᠦᠵᠡᠬᠦ ᠳᠡᠭᠡᠨ ᠬᠤᠭᠤᠷ ᠤᠨ ᠦᠯᠢᠭᠡᠷ ᠶᠡᠷᠢᠵᠦ ᠲᠦᠷᠦᠯ ᠰᠠᠳᠤᠨ ᠪᠠ ᠠᠶᠢᠯ | ᠰᠠᠭᠠᠬᠠᠯᠲᠠ ᠶᠢᠨ ᠬᠢᠨ ᠢᠶᠠᠨ ᠪᠠᠶᠠᠰᠬᠠᠵᠤ ᠶᠠᠪᠤᠵᠦ ᠪᠠᠶᠢᠵᠠᠢ᠃ | ᠴᠢ ᠨᠠᠰᠤᠲᠠᠨ ᠤ ᠦᠷᠭᠦᠯᠵᠢ ᠬᠡᠯᠡᠳᠡᠭ ᠬᠤᠭᠤᠷ ᠤᠨ ᠦᠯᠢᠭᠡᠷ ᠠᠴᠠ ᠬᠡᠳᠦ ᠶᠢ ᠶᠡᠷᠢᠪᠠᠯ《 ᠰᠠᠬᠢᠭᠤᠯᠰᠤᠨ | ᠡᠷᠭᠦᠮᠵᠢᠯᠡᠭᠰᠡᠨ ᠦᠯᠢᠭᠡᠷ 》《 ᠰᠢᠤᠸᠠᠢ ᠭᠠᠩ ᠹᠠᠨ ᠲᠠᠩ 》《 ᠰᠠᠨ ᠰᠢᠶᠠ ᠦ᠋ ᠢ》《 ᠴᠢ ᠰᠢᠶᠠ ᠦ᠋ | ᠢ》《 ᠰᠠᠨ ᠰᠢᠶᠠ ᠵᠢᠶᠠᠨ》《 ᠲᠥᠩ ᠯᠢᠨ ᠵᠤᠸᠠᠨ》《 ᠭᠤᠷᠪᠠᠨ ᠣᠯᠣᠰ ᠤᠨ ᠥᠯᠢᠭᠡᠷ》《 ᠱᠦᠢ | ᠬᠡᠦ ᠶᠢᠨ ᠦᠯᠢᠭᠡᠷ》《 ᠪᠠᠷᠠᠭᠤᠨᠰᠢ ᠵᠤᠷᠴᠢᠬᠰᠠᠨ ᠲᠡᠮᠳᠡᠭᠯᠡᠯ 》 ᠭᠡᠬᠦ ᠮᠡᠲᠦ᠃《 ᠬᠦᠬᠡ ᠰᠤᠳᠤᠷ》 ᠢ ᠪᠠᠰᠠ | ᠮᠡᠳᠡᠨᠡ ᠭᠡᠳᠡᠭ ᠪᠣᠯᠪᠠᠴᠦ ᠦᠯᠢᠭᠡᠷ ᠤᠨ ᠲᠤᠳᠤᠷᠠᠬᠢ ᠵᠠᠩᠵᠤᠨ ᠪᠠᠭᠠᠳᠤᠷ ᠤᠨ ᠨᠡᠷᠡ᠂ ᠭᠠᠵᠠᠷ ᠤᠨ ᠨᠡᠷᠡ ᠵᠡᠷᠭᠡ ᠶᠢ | ᠬᠡᠯᠡᠬᠦ ᠳᠤ ᠬᠤᠭᠤᠷᠴᠢ ᠬᠦᠴᠢᠷᠲᠡᠨᠡ᠂ ᠰᠤᠨᠤᠰᠤᠬᠴᠢᠳ ᠴᠤ ᠰᠤᠨᠤᠰᠴᠦ ᠤᠶᠢᠯᠭᠠᠬᠤ ᠦᠭᠡᠢ ᠬᠦᠴᠢᠷᠲᠡᠨᠡ᠂ | ᠳᠡᠭᠡᠬᠦ ᠪᠠᠷ ᠢᠶᠠᠨ ᠲᠡᠮᠡᠢ ᠠᠷᠪᠢᠨ ᠬᠡᠯᠡᠳᠡᠭ ᠦᠭᠡᠢ᠃ | ᠨᠢᠩᠴᠧᠩ ᠤᠨ ᠮᠣᠩᠭᠤᠯ ᠬᠤᠭᠤᠷ ᠤᠨ ᠦᠯᠢᠭᠡᠷ ᠤᠨ ᠤᠨᠴᠠᠯᠢᠭ ᠭᠡᠪᠡᠯ᠄ | 1.ᠭᠢᠳᠡᠳ ᠦᠯᠢᠭᠡᠷ ᠤᠨ ᠲᠡᠪᠲᠡᠷ ᠢ ᠦᠵᠡᠭᠡᠳ ᠦᠪᠡᠷ ᠢᠶᠠᠨ ︵ ᠬᠤᠭᠤᠷᠴᠢ︶ ᠮᠤᠩᠭᠤᠯ ᠢᠶᠠᠷ ᠢᠶᠠᠨ ᠵᠤᠬᠢᠶᠡᠨ | ᠬᠡᠯᠡᠵᠦ᠂ ᠭᠢᠳᠡᠳ ᠮᠣᠩᠭᠤᠯ ᠢᠶᠠᠷ ᠬᠤᠯᠢᠯᠳᠤᠭᠤᠯᠤᠨ ᠬᠡᠯᠡᠵᠦ᠂ ᠠᠯᠢ ᠨᠢ ᠠᠮᠠᠷᠬᠠᠨ ᠪᠣᠯ ᠲᠡᠭᠦᠨ ᠢᠶᠠᠷ ᠨᠢ | ᠬᠡᠯᠡᠴᠢᠭᠡᠨᠡ᠂ ᠬᠤᠯᠢᠵᠦ ᠬᠡᠯᠡᠬᠦ ᠦᠭᠡᠢ ᠪᠣᠯ ᠰᠤᠨᠤᠰᠤᠬᠴᠢᠳ ᠲᠥᠬᠦᠭᠡᠷᠡᠬᠦ ᠦᠭᠡᠢ᠂ ᠦᠵᠡᠭᠴᠢ ᠰᠤᠨᠤᠰᠤᠬᠴᠢ | ᠦᠬᠡᠢ ᠪᠤᠯᠤᠨᠠ᠃ | 2.ᠥᠯᠢᠭᠡᠷ ᠤᠨ ᠠᠶᠠᠰ ᠢ ᠬᠤᠭᠤᠯᠠᠢ ᠪᠠᠷ ᠢᠶᠠᠨ ᠠᠶᠠᠯᠠᠵᠦ ᠭᠠᠷᠭᠠᠬᠤ ᠤᠨᠴᠠᠯᠢᠭ ᠲᠠᠢ᠂ ᠬᠤᠭᠤᠷ ᠢᠶᠠᠷ | ᠬᠤᠭᠤᠷᠳᠠᠵᠦ ᠠᠶᠠ ᠤᠷᠲᠤᠳᠬᠠᠬᠤ ᠭᠦᠭ ᠠᠶᠢᠵᠠᠮ ᠲᠠᠭᠠᠷᠠᠭᠤᠯᠤᠨ ᠬᠤᠭᠤᠯᠠᠢ ᠶᠢ ᠤᠷᠤᠯᠠᠵᠦ ᠴᠢᠳᠠᠬᠤ ᠦᠭᠡᠢ | ᠤᠴᠢᠷ ᠠᠴᠠ ᠬᠤᠭᠤᠯᠠᠢ ᠳᠤ ᠬᠠᠯᠠᠳᠠᠢ᠃ | 3.ᠦᠯᠢᠭᠡᠷ ᠬᠡᠯᠡᠬᠦ ᠶᠠᠪᠤᠴᠠ ᠳᠤ ᠲᠡᠶᠢᠮᠦ ᠠᠷᠪᠢᠨ ᠮᠠᠬᠳᠠᠭᠠᠯ ᠰᠢᠯᠦᠭᠯᠡᠯ ᠲᠦᠷᠰᠦᠯᠡᠯ ᠬᠤᠯᠪᠤᠯᠲᠠ ᠦᠭᠡᠢ ᠶᠢᠨ | ᠤᠴᠢᠷ ᠠᠴᠠ ᠦᠯᠢᠭᠡᠷ ᠤᠨ ᠤᠴᠢᠷ ᠲᠦᠷᠭᠡᠨ ᠶᠠᠪᠤᠬᠳᠠᠵᠦ᠂ ᠦᠯᠢᠭᠡᠷ ᠨᠢ ᠭᠠᠪᠢᠭᠤᠷᠢᠳᠠᠢ ︵ ᠶᠠᠪᠤᠭᠤᠷᠢᠲᠠᠢ︶᠃ | | ᠬᠤᠭᠤᠷ ᠤᠨ ᠦᠯᠢᠭᠡᠷ ᠠᠴᠠ ᠭᠠᠳᠠᠨᠠ ᠴᠢ ᠵᠧᠨ ᠮᠢᠩ ᠨᠠᠰᠤᠲᠠᠨ ᠪᠠᠰᠠ ᠮᠣᠩᠭᠤᠯ ᠬᠤᠷᠢᠮ ᠤᠨ ᠵᠠᠩ | ᠦᠢᠯᠡ ᠶᠢ ᠴᠤ ᠨᠡᠯᠢᠶᠡᠳ ᠮᠡᠳᠡᠳᠡᠭ᠃ ᠡᠭᠦᠨ ᠳᠤ ᠲᠡᠭᠦᠨ ᠤ ᠶᠠᠷᠢᠬᠰᠠᠨ ᠮᠣᠩᠭᠤᠯ ᠬᠤᠷᠢᠮ ᠤᠨ ᠲᠠᠮᠠᠭᠠᠨ | ᠬᠤᠲᠠ ᠶᠢᠨ ᠲᠠᠭᠤᠤ ᠠᠴᠠ ᠰᠡᠶᠢᠷᠡᠭᠦᠯᠪᠡᠯ᠄ | | ᠲᠦᠷᠪᠡᠨ ᠨᠠᠭᠤᠷ | 1.ᠪᠠᠷᠠᠭᠤᠨᠲᠠᠢ ᠨᠠᠭᠤᠷ ᠤᠨ ᠵᠢᠭᠠᠰᠦ ᠨᠢ ᠬᠦᠢ | ᠪᠠᠭ᠋ᠠᠲᠦ ᠰᠡᠭᠦᠯᠲᠦ ᠵᠢᠭᠠᠰᠦ ᠶᠣᠮ ᠡ ᠬᠦᠢ | ᠪᠠᠷᠠᠭᠤᠨᠳᠠᠢ ᠨᠠᠭᠤᠷ ᠢᠶᠠᠨ ᠦᠵᠡᠪᠡᠯ | ᠪᠠᠭ᠋ᠠᠲᠦ ᠰᠡᠬᠦᠯ ᠢᠶᠠᠨ ᠰᠢᠷᠪᠢᠨᠡ ᠬᠦᠢ | 2. ᠬᠤᠶᠢᠳᠠᠢ ᠨᠠᠭᠤᠷ ᠤᠨ ᠵᠢᠭᠠᠰᠦ ᠡ ᠬᠦᠢ | ᠬᠤᠪᠢᠲᠦ ᠰᠡᠭᠦᠯᠲᠦ ᠵᠢᠭᠠᠰᠦ ᠶᠤᠮ ᠡ ᠬᠦᠢ | ᠬᠤᠶᠢᠳᠠᠢ ᠨᠠᠭᠤᠷ ᠢᠶᠠᠨ ᠦᠵᠡᠪᠡᠯ | ᠬᠤᠪᠢᠲᠦ ᠰᠡᠭᠦᠯ ᠢᠶᠠᠨ ᠰᠢᠷᠪᠢᠨᠡ ᠬᠦᠢ᠃ | | ᠮᠣᠩᠭᠤᠯ ᠬᠤᠷᠢᠮ ᠤᠨ ᠨᠡᠷᠡ ᠭᠤᠶᠤᠬᠤ ᠲᠠᠭᠤᠤ᠄ | 1.ᠪᠠᠷᠠᠭᠤᠨᠲᠠᠢ ᠪᠠᠷᠠᠭᠤᠨᠳᠠᠢ ᠠᠭᠤᠯᠠᠨ ᠳᠤ ᠭᠦᠢ | ᠪᠠᠯᠠᠷ ᠮᠤᠳᠤᠨ ᠤ ᠰᠡᠭᠦᠳᠡᠷ ᠲᠠᠢ | ᠲᠠᠯᠠᠨ ᠲᠤᠯᠤᠭᠠᠨ ᠰᠤᠶᠤᠭᠠ ᠲᠠᠢ | ᠨᠠᠶᠠᠨ ᠨᠠᠢᠮᠠᠨ ᠬᠡᠰᠬᠢᠭᠦᠷ ᠲᠠᠢ ᠬᠦᠢ | 2.ᠬᠦᠢᠲᠡᠨ ᠭᠠᠵᠠᠷ ᠨᠢ ᠰᠦᠬᠦᠳᠡᠭᠰᠡᠭᠡᠷ ᠬᠦᠢ | ᠬᠥᠯ ᠴᠤ ᠮᠠᠭᠤᠬᠠᠢ ᠱᠠᠷᠬᠢᠷᠠᠵᠦ ᠪᠠᠶᠢᠨᠠ ᠬᠦᠢ | ᠬᠡᠣᠬᠡᠨᠦᠷᠡ ᠪᠠᠨ ᠪᠤᠳᠤᠪᠠᠯ ᠳ᠋ᠠ ᠬᠦᠢ | ᠨᠡᠷᠡ ᠵᠢᠯ ᠢᠶᠠᠨ ᠬᠠᠶᠢᠷᠠᠯᠠᠴᠢᠬᠠ ᠳ᠋ᠠ ᠬᠦᠢ | 3.ᠬᠦᠷᠦᠭᠡᠰᠦ ᠵᠢᠯ ᠲᠠᠢ | ᠬᠦᠢᠯᠡᠰᠦ ᠨᠡᠷᠡ ᠲᠠᠢ | ᠵᠢᠯ ᠠᠴᠠ ᠭᠠᠳᠠᠨᠠ ᠵᠢᠯ ᠶᠤᠮ | ᠨᠡᠷᠡ ᠠᠴᠠ ᠤᠨᠳᠣᠣ ᠨᠡᠷᠡ ᠶᠣᠮ | 4.ᠬᠤᠶᠢᠳᠠᠢ ᠬᠤᠶᠢᠲᠠᠢ ᠠᠭᠤᠯᠠᠨ ᠳᠤ | ᠬᠦᠪᠴᠢᠨ ᠤᠢ ᠶᠢᠨ ᠰᠡᠭᠦᠳᠡᠷ ᠲᠠᠢ | ᠲᠠᠯᠠᠨ ᠲᠤᠯᠤᠭᠠᠨ ᠰᠤᠶᠤᠭᠠ ᠲᠠᠢ | ᠳᠠᠨᠵᠢ ᠴᠠᠭᠠᠨ ᠬᠡᠰᠬᠢᠭᠦᠷ ᠲᠠᠢ | ᠮᠠᠨ ᠢ ᠪᠠᠨ ᠭᠡᠪᠡᠯ ᠳ᠋ᠠ ᠲᠠᠨᠤᠰ | ᠨᠡᠷᠡ ᠵᠢᠯ ᠢᠶᠠᠨ ᠬᠠᠶᠢᠷᠠᠯᠠᠴᠢᠬᠠ ᠳ᠋ᠠ ᠬᠦᠢ | ᠴᠢ ᠨᠠᠰᠤᠲᠠᠨ ᠤᠷᠮᠠ ᠰᠡᠷᠭᠦᠵᠦ ᠬᠤᠭᠤᠷ ᠳᠡᠲᠠᠨ ᠦᠯᠢᠭᠡᠷ ᠬᠡᠯᠡᠵᠦ ᠦᠭᠬᠦᠨ ᠪᠢᠳᠡ ᠪᠦᠭᠦᠳᠡᠭᠡᠷ ᠢᠶᠠᠷ ᠢᠶᠠᠨ | ᠰᠡᠳᠬᠢᠯ ᠪᠠᠶᠠᠰᠪᠡ᠃ | （ ᠡᠬᠡ ᠨᠤᠤᠷᠠᠭ ᠢ ᠨᠢᠩᠴᠧᠩ ᠰᠢᠶᠠᠨ ᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠲᠤᠪᠴᠢᠶᠡᠨ ᠤ ᠲᠤᠪᠴᠢᠶᠡᠨ ᠳᠡᠳ᠋ | ᠲᠡᠷᠤᠭᠠ᠂ ᠨᠢᠩᠴᠧᠩ ᠰᠢᠶᠠᠨ ᠤ ᠮᠣᠩᠭᠤᠯ ᠥᠨᠳᠥᠰᠥᠲᠡᠨ ᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠤᠤᠯ ᠤᠨ ᠵᠠᠬᠢᠷᠣᠯ | ᠮᠠᠨᠴᠢᠤᠸᠠᠨ ᠨᠦᠭᠦᠷ ᠬᠠᠩᠭᠠᠪᠠ） |