| ᠠᠮᠠ ᠨᠡᠭᠡᠭᠡᠬᠦ ᠶᠢ ᠵᠠᠷᠢᠮ ᠳᠠᠭᠠᠨ《 ᠬᠡᠤᠬᠡᠨ ᠠᠰᠠᠭᠤᠬᠤᠢ 》 ᠭᠡᠵᠦ ᠬᠡᠯᠡᠳᠡᠭ᠃ ᠡᠨᠡ ᠨᠢ ᠡᠷᠡ ᠶᠢᠨ ᠵᠡᠷᠬᠡ ᠳᠤᠷ | ᠬᠦᠷᠦᠭᠰᠡᠨ ᠬᠦᠪᠡᠭᠦᠨ ᠲᠠᠢ ᠠᠶᠢᠯ ᠬᠡᠤᠬᠡᠨ ᠲᠠᠢ ᠠᠶᠢᠯ ᠳᠤᠷ ᠬᠠᠷᠠᠯᠲᠠ ᠪᠠᠨ ᠲᠤᠬᠳᠠᠭᠠᠵᠦ᠂ ᠬᠡᠤᠬᠡᠨ ᠤ ᠲᠠᠯᠠ ᠶᠢᠨ | ᠠᠮᠠᠨ ᠵᠠᠪᠠᠵᠢ ᠶᠢ ᠰᠤᠨᠤᠰᠴᠦ᠂ ᠪᠤᠯᠤᠮᠠᠷ ᠪᠣᠯᠣᠬᠰᠠᠨ ᠦᠶᠡ ᠳᠤ ᠠᠬᠠᠮᠠᠳ ᠨᠠᠰᠣᠨ ᠤ ᠲᠦᠪᠰᠢᠨ ᠲᠤᠮᠤᠭᠠᠯᠢᠭ | ᠨᠢᠭᠡ ᠡᠷᠩᠲᠡᠢ ᠨᠢᠭᠡ ᠡᠮᠩᠲᠡᠢ ᠬᠤᠶᠠᠷ ᠲᠡᠭᠦᠰ ᠬᠦᠮᠦᠨ ᠢ ᠵᠠᠭᠤᠴᠢ ᠪᠠᠷ ᠡᠳᠤᠷ ᠤᠨ ᠰᠠᠶᠢᠨ ᠢ ᠰᠣᠩᠭᠤᠵᠦ᠂ | ᠬᠡᠤᠬᠡᠨ ᠤ ᠭᠡᠷ ᠲᠤ ᠪᠡᠯᠡᠭ ᠰᠡᠯᠲᠡ ᠲᠠᠢ ᠤᠴᠢᠭᠤᠯᠤᠨᠠ᠃ ᠤᠴᠢᠬᠰᠠᠨ ᠵᠠᠭᠤᠴᠢ ᠬᠡᠤᠬᠡᠨ ᠤ ᠭᠡᠷ ᠤᠨ ᠠᠬᠠᠮᠠᠳ | ᠪᠤᠶᠤ ᠡᠴᠢᠭᠡ ᠡᠬᠡ ᠲᠠᠢ ᠨᠢ ᠠᠮᠤᠷ ᠰᠠᠶᠢᠨ ᠢ ᠯᠡᠪᠯᠡᠬᠰᠡᠨ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ ᠰᠠᠶᠢᠨ ᠰᠠᠶᠢᠬᠠᠨ ᠦᠭᠡ ᠶᠠᠷᠢᠵᠦ᠂ | ᠪᠡᠯᠡᠭ ᠢᠶᠠᠨ ᠭᠠᠷᠭᠠᠵᠦ ᠲᠠᠯᠪᠢᠨᠠ᠃ ᠠᠪᠠᠴᠢᠬᠤ ᠪᠡᠯᠡᠭ ᠭᠡᠪᠡᠯ᠂ ᠨᠢᠭᠡ ᠰᠠᠶᠢᠨ ᠬᠠᠳᠠᠭ᠂ ᠬᠤᠶᠠᠷ ᠯᠣᠩᠬᠤ ᠠᠷᠢᠬᠢ᠂ | ᠯᠤᠩᠬᠤᠨ ᠤ ᠬᠦᠵᠦᠭᠦᠨ ᠳᠤᠷ ᠤᠯᠠᠭᠠᠨ ᠰᠢᠵᠢᠮ ᠤᠶᠠᠨᠠ᠃ ᠪᠠᠰᠠ ᠬᠤᠶᠠᠷ ᠪᠠᠭᠯᠠᠭᠠ ᠪᠤᠭᠤᠷᠰᠤᠭ᠂ ᠬᠤᠶᠠᠷ | ᠬᠡᠰᠡᠭ ᠮᠦᠰᠦᠨ ᠰᠢᠬᠢᠷ ᠪᠤᠶᠤ ᠬᠤᠶᠠᠷ ᠤᠯᠠᠭᠠᠨ ᠴᠢᠪᠠᠭᠠ ᠠᠪᠠᠴᠢᠨᠠ᠃ ᠠᠷᠢᠬᠢ᠂ ᠪᠤᠭᠤᠷᠰᠤᠭ ᠢᠶᠠᠨ | ᠵᠡᠷᠭᠡᠴᠡᠭᠦᠯᠦᠨ ᠳᠠᠯᠪᠢᠵᠦ ᠬᠠᠳᠠᠭ ᠢᠶᠠᠨ ᠨᠠᠭᠠᠳᠦ ᠵᠠᠬᠠ ᠳᠤᠨᠢ ᠳᠡᠯᠭᠡᠨ ᠲᠠᠯᠪᠢᠨᠠ᠂ ᠪᠤᠭᠤᠷᠰᠤᠭ ᠤᠨ ᠳᠡᠭᠡᠷᠡ | ᠮᠦᠰᠦᠨ ᠰᠢᠬᠢᠷ ᠪᠤᠶᠤ ᠴᠢᠪᠠᠭᠠ ᠪᠠᠨ ᠲᠠᠯᠪᠢᠨᠡ᠃ ᠡᠭᠦᠨ ᠢ《 ᠵᠢᠩᠰᠡ ᠵᠡᠭᠦᠯᠭᠡᠵᠦ ᠪᠠᠶᠢᠬᠤ》ᠭᠡᠳᠡᠭ᠃ ᠡᠨᠡ | ᠪᠣᠯ ᠲᠥᠭᠦᠮ ᠪᠡᠯᠡᠭ ᠪᠣᠯᠬᠤ ᠶᠤᠮ᠃ ᠡᠭᠦᠨ ᠠᠴᠠ ᠲᠡᠭᠡᠬᠦᠷ ᠪᠡᠯᠡᠭ ᠭᠡᠪᠡᠯ ᠴᠠᠢ ᠶᠢᠨ ᠰᠢᠭᠦᠰᠦ᠂ ᠬᠤᠨᠢᠨ ᠰᠢᠬᠦᠰᠦ | ᠭᠡᠵᠦ ᠪᠠᠶᠢᠨᠠ᠃ ᠵᠠᠭᠤᠴᠢ ᠪᠡᠯᠡᠭ ᠢᠶᠠᠨ ᠲᠡᠯᠪᠢᠵᠦ ᠪᠠᠷᠠᠪᠠᠯ ᠬᠦᠪᠡᠭᠦᠨ ᠤ ᠲᠠᠯᠠ ᠶᠢᠨ ᠠᠯᠢᠪᠡ ᠪᠠᠶᠢᠳᠠᠯ ᠢ ᠰᠠᠶᠢᠳᠤᠷ | ᠲᠠᠨᠢᠯᠴᠠᠭᠤᠯᠵᠤ ᠥᠭᠬᠦᠨᠡ᠃ ᠶᠠᠷᠢᠯᠴᠠᠬᠤ ᠦᠶᠡ ᠳᠤ ᠬᠦᠪᠡᠭᠦᠨ ᠬᠡᠤᠭᠡᠨ ᠤ ᠲᠦᠷᠦᠭᠰᠡᠨ ᠵᠢᠯ ᠰᠠᠷᠠ ᠶᠢ | ᠲᠤᠳᠤᠯᠠᠵᠦ ᠢᠪᠡᠭᠡᠯ ᠬᠠᠷᠰᠢ ᠶᠢ ᠪᠤᠳᠤᠯᠬᠢᠯᠠᠨᠠ᠃ ᠬᠡᠤᠬᠡᠨ ᠤ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠵᠠᠭᠤᠴᠢ ᠳᠤ ᠬᠢᠷᠢ ᠵᠡᠷᠭᠡ | ᠨᠠᠶᠢᠷᠰᠠᠭ ᠪᠠᠶᠢᠬᠤ ᠡᠰᠡᠬᠦ ᠪᠠᠷ ᠡᠨᠡ ᠠᠮᠠ ᠨᠡᠭᠡᠭᠡᠬᠦ ᠦᠢᠯᠡ ᠶᠢᠨ ᠪᠦᠳᠦᠬᠦ ᠡᠰᠡᠬᠦ ᠶᠢ ᠮᠠᠭᠠᠳᠯᠠᠵᠤ ᠪᠤᠯᠤᠨᠠ᠃ | ᠵᠠᠭᠤᠴᠢ ᠪᠤᠴᠠᠬᠤ ᠦᠶᠡ ᠬᠡᠤᠬᠡᠨ ᠤ ᠡᠴᠢᠭᠡ ᠡᠬᠡ ᠪᠡᠯᠡᠭ ᠢ ᠦᠭᠴᠦ ᠶᠠᠪᠤᠭᠤᠯᠬᠤ ᠦᠭᠡᠢ ᠦᠯᠡᠳᠡᠭᠡᠨ ᠠᠪᠤᠪᠠᠯ | ᠬᠡᠤᠬᠡᠨ ᠢᠶᠠᠨ ᠥᠭᠬᠦ ᠶᠢᠨ ᠲᠡᠮᠳᠡᠭ ᠪᠣᠯᠣᠨᠠ᠃ ᠬᠡᠷᠪᠡ ᠪᠡᠯᠡᠭ ᠢ ᠦᠯᠡᠳᠡᠭᠡᠨ ᠠᠪᠬᠤ ᠦᠭᠡᠢ ᠪᠤᠯᠪᠠᠴᠦ ᠬᠠᠷᠢᠭᠤ | ᠬᠡᠯᠡᠬᠦ ᠦᠭᠡ ᠶᠢ ᠨᠢ ᠦᠨᠳᠦᠰᠦᠯᠡᠵᠦ ᠪᠠᠶᠢᠭᠠᠳ ᠲᠠᠬᠢᠵᠤ ᠤᠴᠢᠬᠤ ᠡᠰᠡᠬᠦ ᠪᠠᠨ ᠲᠤᠬᠳᠠᠭᠠᠨᠠ᠃ ᠪᠡᠯᠡᠭ ᠢ | ᠬᠤᠷᠢᠶᠠᠨ ᠠᠪᠴᠦ ᠵᠦᠪᠰᠢᠶᠡᠷᠡᠭᠰᠡᠨ ᠦᠶᠡ ᠳᠤ ᠬᠡᠳᠤᠨ ᠡᠳᠤᠷ ᠤᠨ ᠳᠠᠷᠠᠭᠠ ᠲᠡᠬᠢᠨ ᠰᠠᠶᠢᠨ ᠡᠳᠤᠷ ᠢ ᠰᠣᠩᠭᠤᠵᠦ | ᠪᠠᠰᠠ ᠪᠡᠯᠡᠭ ᠲᠠᠢ ᠤᠴᠢᠵᠦ᠂ ᠬᠡᠤᠬᠡᠨ ᠤ ᠬᠤᠪᠴᠠᠰᠤ ᠬᠤᠨᠠᠷ᠂ ᠬᠦᠨᠵᠢᠯᠡ ᠲᠡᠪᠢᠰᠭᠡᠷ᠂ ᠭᠡᠷ ᠲᠡᠷᠭᠡ ᠪᠡᠯᠡᠳᠭᠡᠬᠦ | ᠲᠤᠬᠠᠢ ᠠᠪᠬᠤ ᠥᠭᠬᠦ ᠪᠠᠨ ᠬᠡᠯᠡᠯᠴᠡᠨ ᠲᠤᠬᠳᠠᠵᠦ᠂ ᠬᠠᠳᠠᠭ ᠡᠷᠬᠦᠬᠦ ᠪᠠᠷ ᠪᠡᠯᠡᠳᠭᠡᠨᠡ᠃ |