| ᠡᠭᠦᠳᠡᠨ ᠳᠠᠷᠣᠯᠭᠠ ᠳᠤ ᠬᠡᠤᠬᠡᠨ ᠤ ᠲᠠᠯᠠ ᠶᠢᠨ ᠬᠤᠷᠤᠭᠠᠨᠳᠠ ︵ᠬᠤᠷᠣᠭᠠᠨ ᠳ᠋ᠠ︶ ᠵᠡᠷᠭᠡ ᠲᠠᠢ ᠨᠢᠭᠡᠨ ᠬᠡᠯᠡᠮᠤᠷᠴᠢ | ᠡᠷᠩᠲᠡᠢ᠂ ᠬᠡᠤᠭᠡᠨ ᠤ ᠪᠡᠷᠭᠡᠨ ᠪᠣᠯᠬᠤ ᠬᠤᠶᠠᠷ ᠪᠦᠰᠡᠭᠦᠢ ᠤᠷᠲᠦ ᠳᠡᠪᠡᠯ ᠡᠮᠤᠰᠴᠦ ᠴᠢᠮᠡᠭᠯᠡᠭᠰᠡᠨ ᠭᠤᠷᠪᠠᠨ ᠬᠦᠮᠦᠨ | ᠡᠭᠦᠳᠡᠨ ᠲᠤᠮᠲᠠ ᠪᠠᠨ ᠰᠢᠷᠡᠭᠡ ᠳᠠᠯᠪᠢᠵᠦ ᠤᠬᠳᠤᠵᠦ ᠵᠤᠬᠰᠤᠨᠠ᠃ ᠪᠤᠰᠤᠳ ᠣᠯᠠᠨ ᠬᠦᠮᠦᠨ ᠭᠠᠷᠯᠠᠨ ᠵᠤᠬᠰᠤᠵᠦ | ᠱᠤᠭ ᠪᠠᠷᠢᠨᠠ᠃ ᠡᠭᠦᠳᠡᠨ ᠳᠠᠷᠣᠯᠭᠠ ᠳᠤ ᠬᠡᠯᠡᠬᠦ ᠦᠭᠡ ᠶᠢ ᠵᠠᠷᠢᠮ ᠤᠷᠤᠨ ᠳᠤ《 ᠬᠤᠷᠢᠮ ᠤᠨ ᠦᠭᠡ 》ᠭᠡᠵᠦ | ᠬᠡᠯᠡᠳᠡᠭ᠃ ᠬᠦᠷᠭᠡᠨ ᠤ ᠲᠠᠯᠠ ᠶᠢᠨ ᠲᠠᠮᠠᠭᠠᠨ ᠬᠤᠳᠠ ︵ᠬᠡᠯᠡᠮᠤᠷᠴᠢ︶ ᠢᠷᠡᠵᠦ᠂ ᠬᠤᠶᠠᠷ ᠡᠳᠡᠭᠡᠳ ᠢᠶᠠᠷ ᠢᠶᠠᠨ | ᠪᠡᠯᠡᠨ ᠰᠢᠯᠥᠭ ᠵᠤᠬᠢᠶᠠᠵᠦ ᠪᠡᠶᠡ ᠪᠡᠶᠡᠰ ᠢ ᠪᠠᠨ ᠭᠠᠷᠳᠠᠭᠠᠬᠤ ᠪᠠᠷ ᠳᠠᠭᠠᠷᠢᠯᠴᠠᠨ ᠶᠠᠷᠢᠯᠴᠠᠬᠤ ᠪᠣᠯᠣᠨᠠ᠃ ᠡᠭᠦᠨ ᠳᠤ | ᠵᠠᠷᠢᠮ ᠢ ᠨᠢ ᠰᠠᠶᠢᠷᠡᠭᠦᠯᠪᠡᠯ᠄ | ᠬᠡᠤᠭᠡᠨ ᠤ ᠲᠠᠯᠠ ᠶᠢᠨ ᠬᠤᠷᠤᠭᠠᠨᠳᠠ ᠠᠴᠠ᠄ | 《ᠵᠧ︕ ᠤᠮ ᠰᠠᠶᠢᠨ ᠠᠮᠤᠭᠤᠯᠠᠩᠲᠠᠨ ᠪᠣᠯᠳᠤᠭᠠᠢ︕ | ᠡᠩᠬᠡ ᠰᠠᠶᠢᠨ ᠵᠢᠷᠭᠠᠯᠠᠩᠲᠠᠨ ᠪᠣᠯᠳᠣᠭᠠᠢ︕ | ᠠᠬᠠᠯᠠᠬᠴᠢ ᠲᠦᠷᠦᠬᠦᠦ ᠠᠴᠠ | ᠠᠬᠠ ᠳᠡᠭᠦᠦ ᠨᠠᠷ ᠤᠨ ᠠᠮᠤᠷ ᠢ ᠡᠷᠢᠵᠦ ᠠᠮᠤᠢ》 ᠬᠡᠵᠦ ᠡᠪᠤᠳᠦᠭ ᠨᠤᠭᠤᠯᠤᠨ ᠰᠦᠬᠦᠷᠡᠭᠡᠳ ᠦᠷᠬᠦᠯᠵᠢᠯᠡᠨ᠄ | 《ᠶᠠᠭᠤᠨ ᠤ ᠬᠦᠮᠦᠨ ᠪᠣᠢ︖ | ᠶᠠᠮᠠᠷ ᠤᠴᠢᠷ ᠢᠶᠠᠷ ᠶᠠᠪᠤᠬᠤ ᠪᠣᠢ︖ ᠬᠡᠮᠡᠨ | ᠨᠠᠷᠢᠨ ᠤᠴᠢᠷ ᠢ ᠭᠡᠭᠡᠭᠳᠡᠯ ᠦᠭᠡᠢ ᠠᠰᠠᠭᠤ ᠭᠡᠵᠦ | ᠨᠠᠮᠠᠶᠢ ᠲᠤᠮᠢᠯᠠᠵᠦ ᠭᠠᠷᠭᠠᠬᠰᠠᠨ ᠪᠢᠯᠡ᠃ | ᠮᠠᠨ ᠤ ᠡᠨᠡ ᠭᠠᠵᠠᠷ ᠭᠡᠭᠴᠢ | ᠡᠵᠡᠨ ᠴᠢᠩᠬᠢᠰ ᠠᠴᠠ ᠡᠰᠢ ᠲᠠᠢ | ᠡᠩᠬᠡ ᠪᠦᠬᠦᠨ ᠢ ᠡᠵᠡᠯᠡᠭᠴᠢ ᠲᠠᠮᠠᠭᠠ ᠲᠠᠢ | ᠮᠠᠨ ᠤ ᠡᠨᠡ ᠨᠤᠳᠤᠭ ᠭᠡᠭᠴᠢ | ᠬᠠᠭᠠᠨ ᠴᠢᠩᠭᠢᠰ ᠠᠴᠠ ᠬᠠᠶᠢᠷᠠᠲᠠᠢ | ᠬᠠᠮᠤᠭ ᠪᠦᠭᠦᠳᠡ ᠶᠢ ᠵᠠᠬᠢᠷᠬᠤ ᠲᠠᠮᠠᠭᠠ ᠲᠠᠢ᠃ | ᠭᠠᠳᠠᠨᠠ ᠲᠤᠳᠤᠨᠠ ᠶᠤᠰᠦ ᠴᠠᠭᠠᠵᠠ ᠲᠠᠢ ᠭᠠᠵᠠᠷ | ᠭᠠᠳᠠᠨᠠᠬᠢ ᠬᠦᠮᠦᠨ ᠢ ᠦᠯᠡᠳᠡᠭᠡᠬᠦ ᠦᠭᠡᠢ ᠭᠠᠵᠠᠷ᠃ | ᠠᠪᠠ ᠶᠢᠨ ᠬᠦᠮᠦᠨ ᠪᠣᠯ | ᠠᠭᠤᠯᠠᠨ ᠵᠠᠮ ᠢᠶᠠᠨ ᠡᠷᠢᠵᠦ ᠶᠠᠪᠤᠨᠠ ᠪᠠ︖ | ᠠᠶᠠᠨ ᠤ ᠬᠦᠮᠦᠨ ᠪᠣᠯ | ᠠᠵᠢᠭ ᠦᠭᠡᠢ ᠲᠠ ᠨᠠᠷ | ᠠᠯᠲᠠᠨ ᠡᠬᠦᠳᠡᠨ ᠳᠤ ᠬᠦᠷᠴᠦ ᠢᠷᠡᠵᠡᠭᠡᠭᠡᠳ | ᠵᠠᠭᠠᠨ ᠤᠶᠠᠭᠠᠲᠠᠢ ᠪᠠᠭᠠᠨᠠ ᠠᠴᠠ | ᠠᠶᠠᠨ ᠤ ᠮᠣᠷᠢ ᠪᠠᠨ ᠤᠶᠠᠭᠠᠳ | ᠴᠢᠮᠡᠭᠯᠡᠭᠰᠡᠨ ᠤᠯᠠᠨ ᠮᠤᠷᠢᠲᠠᠨ | ᠴᠤᠭᠯᠠᠷᠠᠬᠰᠠᠨ ᠤᠯᠠᠨ ᠲᠠ ᠨᠠᠷ ᠬᠠᠮᠢᠭᠠᠬᠢ ᠪᠣᠢ︖》 ᠭᠡᠵᠦ ᠠᠰᠠᠭᠤᠬᠤ ᠳᠤ ᠬᠦᠷᠭᠡᠨ ᠤ ᠲᠠᠯᠠ ᠶᠢᠨ ᠳᠠᠮᠠᠭᠠᠨ | ᠬᠤᠲᠠ᠄ | 《ᠵᠧ︕ ᠣᠮ ᠰᠠᠶᠢᠨ ᠠᠮᠤᠭᠤᠯᠠᠩᠲᠠᠨ ᠪᠣᠯᠲᠣᠭᠠᠢ︕ | ᠡᠩᠬᠡ ᠰᠠᠶᠢᠨ ᠵᠢᠷᠭᠠᠯᠠᠩᠲᠠᠨ ᠪᠣᠯᠳᠣᠭᠠᠢ︕ | ᠦᠨᠳᠦᠷ ᠢᠶᠠᠷ ᠢᠶᠠᠨ ᠤᠬᠳᠠᠷᠭᠤᠢ ᠶᠢ ᠲᠤᠯᠤᠮᠠᠷ | ᠦᠷᠭᠡᠨ ᠢᠶᠠᠷ ᠢᠶᠠᠨ ᠳᠡᠯᠡᠬᠡᠢ ᠶᠢ ᠪᠦᠷᠬᠦᠮᠡᠷ | ᠬᠤᠲᠠ ᠤᠷᠤᠭ ᠤᠨ ᠬᠡᠭᠡᠨ ᠤᠷᠳᠤᠨ ᠢ ᠪᠠᠷᠠᠭᠠᠯᠠᠵᠦ | ᠬᠤᠲᠠ ᠤᠷᠤᠭ ᠲᠠᠨ ᠤ ᠠᠮᠤᠷ ᠢ ᠡᠷᠢᠨ ᠢᠷᠡᠭᠰᠡᠨ ᠪᠢᠳᠠ︕》 ᠭᠡᠵᠦ ᠡᠪᠤᠳᠦᠭ ᠨᠤᠭᠤᠯᠤᠨ ᠰᠦᠬᠦᠷᠡᠨ | ᠡᠬᠢᠯᠡᠭᠡᠳ ᠦᠷᠭᠦᠯᠵᠢᠯᠡᠨ᠄ | 《ᠬᠠᠭᠠᠨ ᠴᠢᠩᠭᠢᠰ ᠤᠨ ᠬᠠᠶᠢᠷᠠᠯᠠᠯᠲᠠᠢ | ᠬᠠᠩᠭᠠᠢ ᠰᠠᠶᠢᠬᠠᠨ ᠨᠤᠳᠤᠭ ᠲᠠᠢ | ᠬᠠᠮᠤᠭ ᠪᠦᠬᠦᠨ ᠳᠤ ᠠᠯᠳᠠᠷᠰᠢᠬᠰᠠᠨ | ᠬᠠᠷᠠᠴᠢᠨ ᠬᠤᠰᠢᠭᠤᠨ ᠤ ᠬᠢ ᠪᠢᠯᠡ᠃ | ᠡᠷᠲᠡ ᠪᠢᠳᠡᠶ᠋ᠢᠰᠦᠨ ᠳᠠᠪᠬᠤᠷ ᠤᠷᠤᠭ ᠪᠣᠯᠣᠬᠰᠠᠨ ᠠᠴᠠ | ᠬᠤᠷᠳᠤᠨ ᠮᠤᠷᠢᠳ ᠵᠦᠳᠡᠷᠡᠭᠰᠡᠨ ᠦᠭᠡᠢ | ᠬᠤᠪᠢ ᠲᠠᠢ ᠶᠠᠪᠤᠳᠠᠯ ᠰᠠᠭᠠᠳᠤᠬᠰᠠᠨ ᠦᠭᠡᠢ | ᠠᠵᠢᠭ ᠦᠭᠡᠢ ᠪᠢᠳᠡ ᠨᠠᠷ | ᠠᠯᠲᠠᠨ ᠡᠭᠦᠳᠡᠨ ᠳᠤ ᠴᠢᠨᠢ ᠢᠷᠡᠵᠡᠭᠡᠵᠡᠢ᠃ | ᠢᠷᠡᠭᠰᠡᠨ ᠮᠠᠨ ᠢ ᠡᠷᠭᠢᠭᠦᠯᠬᠦ ᠦᠭᠡᠢ | ᠬᠦᠰᠡᠭᠰᠡᠨ ᠮᠠᠨ ᠢ ᠬᠦᠴᠢᠷᠳᠡᠭᠦᠯᠬᠦ ᠦᠭᠡᠢ | ᠠᠴᠢ ᠬᠡᠰᠢᠭ ᠶᠡᠭᠡ ᠶᠢᠨ ᠲᠤᠯᠠ | ᠠᠯᠤᠰ ᠠᠴᠠ ᠬᠤᠷᠢᠮ ᠢᠶᠠᠨ ᠪᠠᠷᠢᠬᠤ ᠬᠡᠵᠦ ᠢᠷᠡᠭᠰᠡᠨ | ᠤᠷᠤᠭ ᠤᠨ ᠤᠴᠢᠷ ᠢ ᠤᠯᠠᠮᠵᠢᠯᠠᠨ ᠮᠡᠳᠡᠭᠦᠯᠵᠦ | ᠤᠷᠳᠤᠨ ᠳᠠᠭᠠᠨ ᠪᠢᠳᠡᠨ ᠢ ᠵᠠᠯᠠᠬᠤ ᠪᠣᠯᠪᠠ ᠤᠤ︖》 ᠭᠡᠵᠦ ᠬᠤᠷᠤᠭᠠᠨ ᠳ᠋ᠠ ᠲᠤᠳᠤᠬᠰᠢ ᠬᠡᠳᠦ ᠠᠯᠬᠤᠵᠦ ᠡᠭᠡᠵᠦ | ᠢᠷᠡᠭᠡᠳ᠄ | 《ᠵᠧ︕ ᠣᠮ ᠰᠠᠶᠢᠨ ᠠᠮᠤᠭᠤᠯᠠᠩᠲᠠᠨ ᠪᠤᠯᠳᠤᠭᠠᠢ︕ | ᠡᠩᠬᠡ ᠰᠠᠶᠢᠨ ᠵᠢᠷᠭᠠᠯᠠᠩᠲᠠᠨ ᠪᠣᠯᠳᠣᠭᠠᠢ︕ | ᠮᠠᠨ ᠤ ᠲᠦᠷᠦᠬᠦᠦ ᠵᠠᠰᠠᠭ ᠲᠤ | ᠲᠠᠨ ᠤ ᠤᠴᠢᠷ ᠢ ᠮᠡᠳᠡᠭᠦᠯᠵᠦ ᠥᠭᠴᠡᠢ᠃ | ᠮᠠᠨ ᠤ ᠲᠦᠷᠦᠬᠦᠦ ᠵᠠᠰᠠᠭ ᠪᠠᠰᠠ ᠯᠡ | ᠲᠠᠨ ᠢ ᠬᠦᠯᠢᠶᠡᠨ ᠠᠪᠬᠤ ᠦᠭᠡᠢ ᠪᠠᠶᠢᠨᠠ᠃ | ᠤᠷᠤᠭ ᠪᠣᠯᠪᠠᠯ ᠤᠴᠢᠷ ᠲᠠᠢ ᠭᠡᠨᠡ᠃ | ᠤᠷᠢᠳᠡ ᠶᠢᠨ ᠶᠤᠰᠦ ᠵᠠᠩᠰᠢᠯ ᠪᠠᠶᠢᠬᠤ ᠭᠡᠨᠡ᠃ | ᠡᠨᠡ ᠡᠭᠦᠳᠡ ᠪᠠᠷ ᠤᠷᠤᠬᠤ ᠬᠦᠮᠦᠨ | ᠡᠮᠡᠭᠡᠯ ᠬᠠᠵᠠᠭᠠᠷ ᠲᠠᠢ ᠮᠣᠷᠢ | ᠪᠤᠯᠢᠭᠠᠷᠢᠨ ᠭᠤᠳᠣᠯ | ᠪᠣᠯᠠᠭᠠᠨ ᠮᠠᠯᠠᠭᠠᠢ ᠲᠠᠢ | ᠬᠠᠯᠢᠭᠤᠨ ᠳᠡᠪᠡᠯ | ᠬᠠᠰ ᠬᠠᠳᠠᠭ ᠤᠨ ᠪᠡᠯᠡᠭ ᠲᠠᠢ ᠭᠡᠨᠡ》 ᠭᠡᠵᠦ ᠬᠠᠷᠢᠭᠤ ᠬᠡᠯᠡᠪᠡᠯ ᠲᠠᠮᠠᠭᠠᠨ ᠬᠤᠳᠠ᠄ | 《ᠵᠧ︕ ᠣᠮ ᠰᠠᠶᠢᠨ ᠠᠮᠤᠭᠤᠯᠠᠩᠲᠠᠨ ᠪᠣᠯᠳᠣᠭᠠᠢ︕ | ᠡᠩᠬᠡ ᠰᠠᠶᠢᠨ ᠵᠢᠷᠭᠠᠯᠠᠩᠲᠠᠨ ᠪᠣᠯᠳᠣᠭᠠᠢ︕ | ᠡᠵᠡᠨ ᠲᠦᠷᠦ ᠡᠩᠬᠡ ᠲᠠᠶᠢᠪᠤᠡᠭ ᠠᠲᠠᠯᠠ | ᠡᠭᠦᠳᠡ ᠪᠠᠨ ᠳᠡᠷᠤᠭᠠᠳ ᠶᠠᠭᠠᠬᠢᠬᠤ ᠪᠣᠢ︖ | ᠡᠳ᠋ ᠠᠰᠢᠭ ᠠᠪᠬᠤ ᠭᠡᠬᠦ ᠨᠢ | ᠡᠨᠡ ᠨᠢ ᠶᠠᠮᠠᠷ ᠣᠴᠢᠷ ᠪᠣᠯᠪᠠ︖ | ᠬᠠᠭᠠᠨ ᠲᠦᠷᠦ ᠬᠠᠮᠲᠦ ᠪᠠᠶᠢᠲᠠᠯᠠ | ᠬᠠᠭᠠᠯᠭᠠ ᠪᠠᠨ ᠳᠠᠷᠤᠭᠠᠳ ᠶᠠᠭᠠᠬᠢᠬᠤ ᠪᠤᠢ︖ | ᠬᠠᠷᠢ ᠠᠴᠠ ᠢᠷᠡᠭᠰᠡᠨ ᠮᠠᠨ ᠢ ᠤᠷᠤᠭᠤᠯᠬᠤ ᠦᠭᠡᠢ ᠨᠢ | ᠬᠠᠮᠢᠭᠠᠬᠢ ᠶᠤᠰᠦ ᠤᠴᠢᠷ ᠪᠣᠢ︖》 ᠭᠡᠵᠦ ᠠᠪᠴᠢᠷᠠᠬᠰᠠᠨ ᠡᠭᠦᠳᠡᠨ ᠪᠡᠯᠡᠭ ᠭᠡᠵᠦ ᠬᠤᠶᠠᠷ ᠯᠤᠩᠬᠤ ᠠᠷᠢᠬᠢ᠂ | ᠬᠤᠶᠠᠷ ᠬᠠᠳᠠᠭ ᠪᠣᠯᠣᠨ ᠵᠤᠭᠤᠰ ᠢᠶᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠭᠠᠷᠭᠠᠵᠦ ᠲᠠᠯᠪᠢᠨᠠ᠃ ᠳᠠᠭᠠᠷᠢᠯᠴᠠᠭᠠ ᠵᠤᠬᠰᠤᠪᠡᠯ | ᠬᠤᠶᠠᠷ ᠪᠦᠰᠡᠭᠦᠢ ᠯᠣᠩᠬᠤᠨ ᠪᠦᠷᠭᠦᠭᠡᠰᠦ ᠶᠢ ᠮᠥᠩᠭᠦᠨ ᠬᠠᠳᠬᠤᠭᠤᠷ ᠢᠶᠠᠷ ᠴᠣᠭᠤᠯᠵᠤ᠄《 ᠪᠤᠳᠤᠩ ᠲᠠᠢ | ᠠᠷᠢᠬᠢ ᠶᠢ ᠳᠠᠮᠨᠠᠨ ᠣᠷᠣᠭᠠᠷᠠᠢ︕》 ᠬᠡᠵᠦ ᠬᠡᠯᠡᠪᠡᠯ ᠬᠠᠵᠠᠭᠤ ᠶᠢᠨ ᠬᠦᠮᠦᠨ ᠯᠣᠩᠬᠤ ᠲᠠᠢ ᠠᠷᠢᠬᠢ ᠶᠢ ᠠᠪᠴᠦ | ᠤᠷᠤᠨᠠ᠃ ᠰᠢᠷᠡᠭᠡᠨ ᠳᠡᠭᠡᠷᠡᠬᠢ ᠵᠤᠭᠤᠰ ᠢ ᠬᠤᠶᠠᠷ ᠪᠦᠰᠡᠭᠦᠢ ᠬᠤᠪᠢᠶᠡᠨ ᠠᠪᠳᠠᠭ᠃ ᠬᠠᠳᠠᠭ ᠢ ᠬᠤᠷᠤᠭᠠᠨᠳᠠ | ᠬᠤᠷᠢᠶᠠᠨ ᠠᠪᠤᠭᠠᠳ᠄ | 《ᠠᠯᠳᠠᠷ ᠲᠠᠢ ᠬᠠᠷᠠᠴᠢᠨ ᠭᠡᠶᠢᠴᠢᠨ ᠢᠶᠠᠨ | ᠠᠯᠳᠠᠨ ᠤᠷᠤᠭ ᠲᠠᠨ ᠢ ᠪᠠᠨ | ᠥᠷᠥᠭᠡ ᠭᠡᠷ ᠦᠨᠳᠦᠷ ᠪᠠᠶᠢᠰᠢᠩ ᠳᠠᠭᠠᠨ | ᠥᠨᠡᠨ ᠰᠡᠳᠬᠢᠯ ᠠᠴᠠ ᠪᠠᠨ ᠵᠠᠯᠠᠵᠦ ᠪᠠᠶᠢᠨᠠ》 ᠭᠡᠵᠦ ᠬᠡᠯᠡᠭᠡᠳ ᠰᠢᠷᠡᠭᠡ ᠶᠢ ᠵᠠᠶᠢᠯᠠᠭᠤᠯᠤᠨ ᠪᠠᠷᠠᠭᠤᠨ ᠭᠡᠷ ᠲᠡᠭᠡᠨ | ᠵᠠᠯᠠᠵᠦ ᠤᠷᠤᠭᠤᠯᠤᠨᠠ᠃ ᠭᠡᠷ ᠲᠤ ᠤᠷᠤᠬᠰᠠᠨ ᠤ ᠳᠠᠷᠠᠭᠠ ᠲᠠᠮᠠᠭᠠᠨ ᠬᠤᠳᠠ ᠬᠦᠩᠭᠠᠷᠠᠪᠠ ᠪᠤᠷᠬᠠᠨ ᠤ ᠡᠮᠤᠨᠡ | ᠬᠠᠳᠠᠭ ᠡᠷᠭᠦᠨᠡ᠃ ᠬᠠᠳᠠᠭ ᠢᠶᠠᠨ ᠳᠡᠯᠭᠡᠨ ᠳᠠᠯᠪᠢᠵᠦ᠂ ᠳᠡᠭᠡᠷᠡ ᠨᠢ ᠲᠦᠬᠦᠷᠡᠩ ᠠᠷᠢᠬᠢ ᠲᠠᠢ ᠬᠤᠨᠳᠠᠭᠠ ᠲᠠᠯᠪᠢᠵᠦ | ᠮᠦᠷᠭᠦᠨᠡ᠃ ᠮᠥᠷᠬᠦᠬᠦ ᠳᠡᠭᠡᠨ ᠪᠤᠷᠬᠠᠨ ᠤ ᠪᠡᠯᠭᠡ ᠬᠡᠯᠡᠳᠡᠭ᠃ ᠡᠭᠦᠨ ᠤ ᠳᠠᠷᠠᠭᠠ ᠬᠡᠤᠭᠡᠨ ᠤ ᠲᠠᠯᠠ ᠶᠢᠨ ᠪᠡᠷᠭᠡᠨ | ᠪᠣᠯᠬᠤ ᠨᠢᠭᠡᠨ ᠪᠦᠰᠡᠭᠦᠢ ᠰᠢᠨᠡ ᠬᠦᠷᠭᠡᠨ ᠢ ᠳᠠᠭᠠᠠᠭᠤᠯᠵᠦ ᠠᠬᠠᠮᠠᠳ ᠨᠠᠰᠤᠲᠠᠨ ᠳᠠᠭᠠᠨ ᠣᠴᠠᠷᠠᠭᠤᠯᠬᠤ ᠵᠠᠩ | ᠦᠢᠯᠡ ᠪᠠᠶᠢᠳᠠᠭ ᠶᠣᠮ᠃ ᠤᠴᠠᠷᠠᠭᠤᠯᠵᠦ ᠪᠠᠷᠠᠬᠰᠠᠨ ᠤ ᠬᠤᠶᠢᠨᠠ ᠳᠡᠭᠡᠲᠦ ᠰᠢᠷᠡᠭᠡ ᠵᠠᠰᠠᠨᠠ᠃ |